Uzunömürlülüyün 3 əsas SİRRİ

“Yuxu, pəhriz və məşq ömrü uzadır”. Medianews.az xəbər verir ki, bunu alim, biokimyaçı və kimya üzrə 2009-cu il Nobel mükafatı laureatı Venkatraman Ramakrişnan deyib. Ramakrişnan əmindir ki, cəmi üç sadə qayda ömür müddətini pəhriz əlavələri və qocalma əleyhinə prosedurlardan daha yaxşı artırır. O, balanslaşdırılmış qidalanma, müntəzəm idman və yaxşı yuxu nəzərdə tutduğunu açıqlayıb. Alimin sözlərinə görə, uzunömürlülüyün bu prinsipləri banal görünsə də, onların effektivliyi çoxsaylı araşdırmalarla təsdiqlənib. Ramakrişnan əlavə edib ki, müasir elm o səviyyəyə çatıb ki, o, ayrı-ayrı xəstəliklərlə deyil, yaşlanma ilə mübarizə aparmağa başlayır. “Biz qocalmanın səbəblərini anlamağa başlamışıq və indi bununla bağlı nə edilə biləcəyini anlamağa çalışırıq”, - deyə o bildirib. Medianews.az