Türkiyənin İstanbul şəhərində 17 yaşlı gənc partlayışda yaralanıb. O, motosikletlə təkrar emal fabrikinə gedərək ora qumbara atmaq istəyirmiş. Lakin qumbara onun əlində partlayıb.
Medianews.az xəbər verir ki, hadisə iyulun 20-si gecə İstanbulun Silivri rayonunda baş verib.
Əli yaralanan, barmağı qopan gənc özünü İstanbulun Böyükçekmece rayonundakı Mimar Sinan Dövlət Xəstəxanasına çatdıra bilib. İlkin tibbi yardım göstərildikdən sonra o, təcili tibbi yardım maşını ilə İstanbulun Başakşehir rayonundakı Çam və Sakura Şəhər Xəstəxanasına aparılıb.
Hadisə ilə bağlı ifadəsi alındıqdan sonra o, tutulub.
Medianews.az