"Böyüklər üçün giləmeyvələrin təhlükəsiz gündəlik qəbulu 150–300 qram təşkil edir".
Medianews.az xəbər verir ki, bunu həkim-ekspert Olqa Ulankina deyib.
Onun sözlərinə görə, ÜST böyüklərə hər gün ən azı 400 qram meyvə və tərəvəz istehlak etməyi tövsiyə edir və giləmeyvələr bu normanın bir hissəsini təşkil edə bilər.
Ulankina qeyd edib ki, giləmeyvələr tərkibindəki lif, C vitamini və polifenollar sayəsində ürək-damar sağlamlığını dəstəkləyir. Qara qarağat, qaragilə və böyürtkən kimi tünd rəngli giləmeyvələr isə antioksidant və iltihabəleyhinə təsir göstərən antosianlarla zəngindir.
Mütəxəssis əlavə edib ki, mədə-bağırsaq xəstəlikləri, şəkərli diabet və böyrək daşı əmələ gəlməsinə meyilli şəxslər giləmeyvə istehlak edərkən ehtiyatlı olmalıdırlar. Onun sözlərinə görə, təzə və ya dondurulmuş giləmeyvələr daha faydalıdır, mürəbbə və cem isə eyni təsiri göstərmir.
Medianews.az