“ABŞ və İsrailin aylarla davam edən hücumlarına baxmayaraq, İran hələ də əhəmiyyətli raket potensialına malik olduğunu nümayiş etdirib”.
Medianews.az xəbər verir ki, bu barədə “The Wall Street Journal” yazıb. Məqalədə deyilir ki,
İordaniyada yerləşən ABŞ hərbi hava bazasına edilən son raket hücumu nəticəsində üç amerikalı hərbçinin həlak olması Tehranın yeraltı raket obyektlərinə yenidən çıxış əldə etdiyini və “Xeybərşəkan” (Kheibar Shekan) də daxil olmaqla müasir ballistik raketlərdən istifadə etməyə davam etdiyini göstərir.
Hərbi analitiklərin fikrincə, İran zədələnmiş obyektlərini bərpa edib, xeyli raket ehtiyatını qoruyub saxlayıb və ABŞ-ın hava hücumundan müdafiə sistemlərinə qarşı müqavimət imkanlarını artırıb.
ABŞ rəsmiləri İranın raket imkanlarının ciddi şəkildə zəiflədiyini iddia etsələr də, son hücumlar bu təhlükənin hələ də əhəmiyyətli olaraq qaldığını göstərir.\\KONKRET.az