“Narsist, mürəkkəb testlər və ya uzun sorğular olmadan da, yalnız bir sualla müəyyən edilə bilər”.
Medianews.az xəbər verir ki, bunu, məşhur kriminal psixoloq Dr. Julia Şou deyib.
O, narsissizmin səviyyələrini tez qiymətləndirmək üçün nəzərdə tutulmuş “tək maddəli narsisizm ölçüsü"ü barədə danışıb.
Julia Şou izah ediblər ki, psixoloqlar əvvəl iyirmi sual, sonra isə yalnız bir sual veriblər: "Sən narsistsən? Məlum olub ki, bu bir sual narsistləri müəyyən etmək üçün uzun anketlər qədər dəqiqdir. Onun sözlərinə görə, əsl narsistlər çox vaxt davranışlarını inkar etmirlər, hətta bununla fəxr edirlər.
"Narsisti necə tanıya bilərsiz? Onlardan soruşun. Onlar yəqin ki, "Bəli, amma mən əksər insanlardan daha yaxşıyam" deyəcəklər", - ekspert qeyd edir.
Narsisistik şəxsiyyət pozğunluğu, həddindən artıq dərəcədə özünə əhəmiyyət vermə hissi, heyranlıq ehtiyacı və empatiya çatışmazlığı ilə xarakterizə olunan psixi vəziyyətdir.
Doktor Şou eqoist xüsusiyyətlər nümayiş etdirən hər kəsin narsist olmadığını vurğulayır: "Bu, özünüzü real qiymətləndirməkdir - çünki narsisizm budur: əslində olduğunuzdan daha yaxşı olduğunuzu düşündüyünüz zaman".
Psixoloq qeyd edir ki, “narsist” sözü bu gün həddən artıq populyarlaşıb və tez-tez sui-istifadə olunur.
"Bu terapevtik dili həddindən artıq iddialı və ya qeyri-dəqiq şəkildə istifadə etməmək üçün inanılmaz dərəcədə diqqətli olmalıyıq. Əks halda, biz onun əsl mənasını dəyərdən salmış olarıq", - Şou vurğulayır.
Medianews.az
