Dünya koronovirus epidemiyasının təsirindən xilas ola bilməsə də, Avropa ölkələrində başda olmaqla bir çox qitə və ölkədə aşkarlanan meymun çiçəyi epidemiyası narahatlıq yaratmağa davam edir.
Medianews.az xəbər verir ki, xəstəliyin aşkarlandığı Hollandiyada xəstələr üzərində aparılan müayinələr nəticəsində diqqətçəkən nəticələr əldə edilib.
Bildirilir ki, ümumiyyətlə Afrikanın müəyyən bölgələrində aşkar edilən xəstəlik yüksək hərarət, şişkin limfa düyünləri, qızartı, qabarcıqlar, halsızlıq və baş ağrısı kimi əlamətlər göstərə bilər. Alimlər simptomların iki-dörd həftə davam edə biləcəyini açıqlasalar da, bu dövr üçün ən aydın izahat Hollandiyadan gəlib. Hollandiyalı mütəxəssislər 23-64 yaş arası xəstələrin sağlamlıq vəziyyətini və xəstəliyin gedişatını izləyiblər. Mütəxəssislər meymun xəstəliyinin inkubasiya dövrünün orta hesabla 8,5 gün olduğu qənaətinə gəliblər. Elm adamları, meymun çiçəyi hallarının 2 faizində ilk simptomun infeksiyadan 21 gün sonra, digər hallarda isə daha erkən əlamətləri göstərdiyini açıqlayıblar
Alimlər bildiriblər ki, meymun çiçəyinə yoluxduğundan şübhələnən şəxsləri 21 gün ərzində karantində saxlamaq adekvat qorunma üsulu olacaq.
Leyla, Medianews.az