Media
ABŞ-Meksika sərhədində narkotik qaçaqmalçılarının istifadə etdiyi daha bir “narkotunel” aşkarlanıb.
Medianews.az xəbər verir ki, Meksika Baş Prokurorluğundan verilən açıqlamada, Meksikanın Tixuana şəhəri ilə ABŞ-ın Kaliforniya ştatının San Dieqo şəhərini birləşdirən 242 metr uzunluğunda yeni tunelin aşkar edildiyi bildirilib.
Tunelin narkotik dəstələri tərəfindən istifadə edilmək üçün tikildiyi və içərisində dəmir yolu xəttinin, elektrik işıqlandırmasının və havalandırma sisteminin olduğu bildirilib.
Polisin verdiyi məlumata görə, bu tunel təhlükəsizlik qüvvələrinə atəş açan şübhəlinin izinə düşdükdən sonra aşkar edilib. Səlahiyyətlilər tuneli quran və istifadə edənlərin müəyyən edilməsi üçün araşdırmaya başlanıldığını açıqlayıb.
Digər tərəfdən, mayın 17-də ABŞ-ın narkotiklərlə mübarizə qrupları Tijuana və San Dieqo şəhərlərini birləşdirən 540 metrlik tunel aşkar etmişdilər. İşıqlandırma, ventilyasiya və dəmir yolu daşıma xəttinin olduğu tunelin narkodəstələr tərəfindən istifadə edildiyi müəyyən edilib.
Leyla,Medianews.az
