Bayramla əlaqədar bazarlarda alıcıların sayı artıb.
Medianews.az xəbər verir ki, "Baku" TV Qəbələnin ən böyük bazarlarından birində məhsulların qiymətləri ilə maraqlanıb və alıcıların təəssüratlarını öyrənib.
Satıcıların sözlərinə görə, Qəbələnin yerli məhsullarından olan qızıləhmədi alması, şabalıd, qoz, fındıq və badam bazarda müxtəlif qiymətlərlə təklif olunur. Onlar bildirirlər ki, qızıləhmədi almasının kilosu 1-2, şabalıd 4-10, qoz 3-7, fındıq isə 7-8 manata satılır. Fındıq ləpəsinin qiyməti isə 20 manatdan 23 manata qədərdir.
Alıcılar qiymətlərin ümumilikdə münasib olduğunu, lakin bəzi məhsulların, xüsusən fındığın qiymətinin baha olduğunu söyləyirlər.