Toksik münasibətlərin 7 ƏLAMƏTİ: Cütlükləri nə məhv edir?

İnsanlar aylarla, hətta illərlə sağlam olmayan münasibətlərdə qala və problemin reallığına şübhə edə bilərlər.

Medianews.az xəbər verir ki, psixoloq Mark Trevers münasibətlərdə tərəfdaşlara zərər vuran 7 əsas əlaməti açıqlayıb:

Mübahisə zamanı nifrət və hörmətsizlik: Ən təhlükəli siqnallardan biridir. Bu, partnyorun hisslərinə qarşı lağlağı, təhqir, sarkazm və ya göz süzdürmək kimi formalarda özünü göstərir.
"Tələb və imtina" dövranı: Tərəflərdən biri problemi müzakirə etmək istədikdə, digərinin mövzunu dəyişməsi, susması və ya danışıqdan qaçmasıdır. Nəticədə gərginlik daha da artır.
Daimi gərginlik hissi: İnsanın mübahisə yaranmasın deyə sözlərini öncədən ölçüb-biçməsi və öz hisslərini ifadə etməkdən qorxmasıdır. Bu daxili stress zamanla insanı mənəvi cəhətdən tükəndirir.
Qayğı adı altında nəzarət: Sevgi maskası arxasında gizlənən məcburi nəzarətdir. Partnyorun daim hara getdiyinizi bilmək istəməsi, telefonunuza baxmaq tələbi və dostlarınızdan sizi tədricən izolyasiya etməsi bura daxildir.
Hər şeydə yalnız sizin günahlandırılmağınız: Toksik münasibətlərdə məsuliyyət həmişə bir nəfərin üzərinə yıxılır. Daimi ittihamlar ucbatından insan öz yaddaşına şübhə etməyə və günahsız olduğu halda günahı öz üzərinə götürməyə başlayır.
Psixoloji aqressiya: Aqressiya təkcə fiziki zorakılıq deyil. Qışqırmaq, hədə-qorxu, təhqir, psixoloji təzyiq və emosional manipulyasiya da təhlükəli aqressiya formalarıdır.
Özünüitirmə: Ən ciddi əlamətdir. İnsan sırf münaqişədən qaçmaq və münasibəti qorumaq üçün öz hobbilərindən, dostlarından, hədəflərindən və dəyərlərindən imtina edir, qarşı tərəfdən tam emosional asılılığa düşür.