Araşdırmalar göstərir ki, iyrənc görüntülərə – çürümüş yemək, heyvan meyiti və ya çirkli tualet kimi – verilən reaksiyalar bir insanın siyasi baxışını 95-98% dəqiqliklə müəyyən edə bilir.
Medianews.az xəbər ki, Vanderbilt Universitetində aparılan tədqiqatda iştirakçılara iyrənc obyektlərin şəkilləri göstərilib. Nəticədə, mühafizəkarların beyinlərinin, xüsusilə də anterior insula kimi emosional mərkəzlərinin, bu şəkillərə daha güclü reaksiyalar verdiyi aşkarlandı.
Bu, siyasi fərqlərin yalnız öyrənilmiş seçimlərdən deyil, beynin təhdid və narahatlıq yaradan siqnalları necə emal etməsindən də qaynaqlandığını göstərir.
Stanford Universitetindən psixoloq Matthew Feinbergin araşdırmasına görə, liberallar mənfi emosiyaları daha yaxşı idarə edir, mühafizəkarlar isə ilkin emosional reaksiyalarına daha çox güvənir və iyrənc hesab etdikləri şeyləri əxlaqi siqnal kimi qəbul edirlər.
İyrənmə hissi ilk növbədə atalarımızı çürümüş yemək və infeksiyalardan qoruyan davranışsal immunitet sistemi olub. Zamanla bu sistem genişlənərək yalnız fiziki deyil, sosial və əxlaqi pozuntulara da qarşı iyrənmə hissi yaranıb. Fiziki iyrənməyə həssas insanlar əxlaqi pozuntulara da daha duyğuludur.
Bu səbəbdən mühafizəkar siyasi mövqelərin ənənəvi dəyərləri qorumağa və sürətli dəyişikliklərə ehtiyatla yanaşmağa meylli olması, evrim baxımından qrup birliyini qoruma instinkti ilə əlaqələndirilə bilər.
Medianews.az
