Türkiyənin “Beşiktaş” futbol klubunun Məhəmməd Salah üçün hazırladığı müqavilə təklifinin maliyyə detalları məlum olub.
İstanbul təmsilçisi misirli ulduza 2 illik müqavilə təklif edib.
Razılaşmaya əsasən, 33 yaşlı futbolçuya hər mövsüm üçün 15 milyon avro zəmanətli maaş və təxminən 4 milyon avro performans bonusu nəzərdə tutulub.
Müqavilədə Salahın imic hüquqları ilə bağlı xüsusi maddələrin də yer aldığı bildirilib. Bonuslar da nəzərə alındıqda, hücumçunun illik qazancının 19-20 milyon avroya çatacağı gözlənilir.
“Beşiktaş”ın Salah üçün ayırdığı ümumi büdcənin 40 milyon avronu ötəcəyi qeyd olunub./Ölkə.az