55 yaşlı, lakin bioloji yaşının 20 olduğunu iddia edən Gary Brecka uzun illərdir sağlam həyat tərzi ilə məşğuldur. O, bu prosesin “bahalı üsullara ehtiyac duymadığını” deyir.
Medianews.az onun 7 əsas tövsiyəsini təqdim edir:
1. Keyfiyyətli yuxu
Daimi yuxu rejimi daxili bioloji saatı tənzimləyir. Həm metabolizmi, həm də zehni fəaliyyəti gücləndirir.
2. Yuxu mühiti
Otağın temperaturunun təxminən 20 dərəcə olması, tam qaranlıq və lazım gəldikdə nazik yuxu maskası melatonini artıraraq gecə oyanmalarını azaldır.
3. Günə sakit başlamaq
Səhər oyandıqda dərhal telefona baxmaq əvəzinə işığa adaptasiya olmaq, dərin nəfəs almaq və qısa gəzinti həm bədəni, həm də zehni rahatladır.
4. Təbii qidalanma
Brecka “nənənin tanımadığı məhsulu yemə” prinsipini vurğulayır. Tərəvəz, meyvə, yumurta, qatıq, balıq və təbii qidalanan heyvanların əti əsas seçimdir.
5. Aralıqlı oruc
Metabolizmi tənzimləyir, iltihabı azaldır. Zəif hüceyrələrin bədəndən təmizlənməsinə kömək edir.
6. Daimi hərəkət
Gündə 30 dəqiqə belə yürüş sağlamlıq üçün böyük fərq yaradır.
7. Soyuq–isti terapiyası
Soyuq su dopamini artırır və qan dövranını sürətləndirir. Sauna və isti vannalar detoks sistemini dəstəkləyərək ürək-damar sağlamlığına müsbət təsir göstərir.
