40 komanda harada dayanıb? - DÇ-2026

Bəlli olduğu kimi, 23-cü dünya futbol çempionatına ilk dəfə olaraq 48 komanda qatılıb.

Çempionatda Avropa 16, Afrika 10, Asiya 9, Cənubi Amerika 6, Şimali və Mərkəzi Amerika 6, Okeaniya 1 milli ilə təmsil olunub, dörddə bir finala Avropadan 6, Afrika və Cənubi Amerikadan 1 yığma çata bilib:

Fransa – Mərakeş

Norveç – İngiltərə

İspaniya – Belçika

Argentina – İsveçrə.

Medianews.az qeyd edir ki, qrup raundunda Okeaniya tək təmsilçisi Yeni Zelandiyanı, Asiya Cənubi Koreya, Qətər, İran, Səudiyyə Ərəbistanı, İraq, İordaniya, Özbəkistanı, Avropa Çexiya, Şotlandiya, Türkiyəni, Şimali və Mərkəzi Amerika Haiti, Kürasao, Panamanı, Afrika Tunisi, Cənubi Amerika Uruqvayı itirib.

Afrikadan CAR, Fil Dişi Sahili, Konqo Demokratik Respublikası, Seneqal, Əlcəzair, Kabo Verde, Qana, Avropadan Almaniya, Niderland, İsveç, Bosniya, Avstriya, Xorvatiya, Asiyadan Yaponiya, Avstraliya, Cənubi Amerikadan Ekvador 1/16 finalda dayanıb.

1/8 final Şimali və Mərkəzi Amerikadan Kanada, Meksika, ABŞ, Cənubi Amerikadan Paraqvay, Braziliya, Kolumbiya, Avropadan Portuqaliya, Afrikadan Misir üçün son olub.

İyunun 11-dən ABŞ, Kanada və Meksikanın ev sahibliyi etdiyi çempionatda dörddə bir final 9-12 iyula, yarımfinal 14-15 iyula, üçüncü yer uğrunda oyun və final 19 iyula təyin edilib.

Əvvəlki 22 çempionatın 20 mükafatçısı var:

Braziliya - 5 qızıl, 2 gümüş, 2 bürünc medal

Almaniya - 4 qızıl, 4 gümüş, 4 bürünc medal

İtaliya - 4 qızıl, 2 gümüş, 1 bürünc medal

Argentina - 3 qızıl, 3 gümüş medal

Fransa - 2 qızıl, 2 gümüş, 2 bürünc medal

Uruqvay - 2 qızıl medal

İngiltərə - 1 qızıl medal

İspaniya - 1 qızıl medal

Niderland - 3 gümüş, 1 bürünc medal

Çexoslovakiya - 2 gümüş medal

Macarıstan - 2 gümüş medal