Neftçalada yük maşını qadını vurub

Neftçalada yük maşını piyadanı vurub. Medianews.az Lent.az-a istinadən xəbər verir ki, hadisə Xıllı qəsəbəsi ərazisində baş verib. 40 yaşlı Məmmədov Əlişad Güləddin oğlu idarə etdiyi “Ford Transit yük” markalı avtomobillə 60 yaşlı Hacıyeva Xatirə Şükür qızını vurub. Neftçala rayon Mərkəzi Xəstəxanasına yerləşdirilən qadın orada ölüb. Faktla bağlı cinayət işi açılıb.