Kaliforniya qubernatoru Qevin Nyusom COP30 iqlim konfransı zamanı, ABŞ prezidenti Donald Trampı tiran adlandırıb.
Medianews.az xəbər verir ki, bu barədə The New York Times yazıb.
Siyasətçi Ağ Ev rəhbərini ABŞ-nin Konqresin razılığı olmadan Venesuela sahillərində narkotik ticarəti ilə bağlı şübhəli bilinən gəmiləri bombalamasına görə tənqid edib. O, bütün dünyada insanların Trampın “müvəqqəti insan” olduğunu xatırlamasının vacibliyini vurğulayıb.
"O, onilliklərlə deyil, illərlə xatırlanacaq. O, ehtiyatsız, xaotik, dəyişkən və sövdələşmələrə meyllidir, lakin xalq buna qarşı mübarizə aparmalıdır. Bir tirana qarşı mübarizə aparın", - Nyusom yekunlaşdırıb.
Medianews.az