Kardioloq Valeriya Bonadıkova qəhvənin ürək sağlamlığına təsirini izah edib.
Medianews.az-ın xəbərinə görə, o bildirib ki, içkinin təsiri dozadan, gücündən və qəbul vaxtından asılıdır.
Çox miqdarda qəhvə ürək döyüntülərinin sürətlənməsinə, ritm pozuntularına və yuxu problemlərinə səbəb ola bilər. Ən çox mənfi təsirlər qəhvəni nizamsız, lakin böyük porsiyalarla içənlərdə müşahidə olunur. Ürək xəstəliklərinin qarşısını almaq üçün əsas amillər – qan təzyiqi, şəkər və xolesterini nəzarətdə saxlamaq, siqaretdən imtina, idman, normal çəki və yuxu rejimidir.
Əsas provokator isə yuxu çatışmazlığıdır: qəhvə yuxunu gecikdirirsə, bu, təzyiqin və ümumi vəziyyətin pisləşməsinə səbəb olur.
Medianews.az