İspaniyanın "Barselona" klubu "Atletiko"nun futbolçusu Xulian Alvaresin keçidi üçün danışıqları davam etdirir.
Medianews.az "Report"a istinadən xəbər verir ki, Kataloniya təmsilçisi dünya çempionatından sonra hücumçu üçün qarşı tərəfə 130 milyon avro təklif etmək niyyətindədir.
Bu, hazırkı ölkə çempionunun oyunçuya görə ödəyə biləcəyi maksimum məbləğdir.
Xatırladaq ki, Xulian Alvares ötən mövsüm "Atletiko"nun heyətində 49 oyuna 20 qol və 9 məhsuldar ötürmə ilə yadda qalıb. DÇ-2026 iyulun 19-da başa çatacaq.