Fransa millisinin kapitanı Kilian Mbappe 2026-cı il dünya çempionatından sonra ölkə ictimaiyyətinə açıq məktubla müraciət edib.
Medianews.az xəbər verir ki, dünya çempionatını dördüncü yerdə başa vuran Fransa millisinin hücumçusu bildirib ki, azarkeşlər komandanı ən çətin anlarda belə dəstəksiz qoymayıblar.
"Siz bizdən heç vaxt üz döndərmədiniz, hətta buna ən az layiq olduğumuz anlarda belə. Bu hekayəni meydandakı 11 futbolçu deyil, milyonlarla insan birlikdə yazdı", – deyə Mbappe vurğulayıb.
O, turnirin bombardiri olmasının qürurverici olduğunu, lakin kuboku qazanmağın bundan daha vacib olduğunu qeyd edib. Mbappe komanda yoldaşlarına, məşqçilər heyətinə, azarkeşlərə və görünməyən zəhmət sahiblərinə təşəkkür edib.
Qeyd edək ki, Fransa millisi dünya çempionatında bürünc medal uğrunda oyunda İngiltərəyə 4:6 hesabı ilə məğlub olaraq turniri dördüncü pillədə başa vurub.
Medianews.az