Türkiyənin Milli Müdafiə Nazirliyi İncirlik aviabazasında siren səslərinin eşidilməsi barədə sosial mediada yayılan məlumatlara bağlı açıqlama yayıb.
Medianews.az Oxu.Az-a istinadla xəbər verir ki, bu barədə nazirliyin rəsmi saytında məlumat verilib.
"Sosial mediada İncirlikdə siren səslərinin eşidilməsi barədə iddialar paylaşılıb. Heç bir hücum və ya mənfi vəziyyət yoxdur. Sözügedən vəziyyətin yanlış həyəcan siqnalı olduğu qiymətləndirilir", - deyə nazirlikdən bildirilib.