Rusiyada 26 yaşlı qadının kirpiklərində gənə ilişib qalıb.
Medianews.az xəbər verir ki, hadisə Orenburq vilayətində baş verib.
Qadın istirahətdən qayıtdıqdan sonra gözündə güclü narahatlıq hiss edib. Gənənin kirpiklərinin arasında ilişərək göz qapağının dərisinə yapışdığını görən qız dərhal xəstəxanaya müraciət edib. Həkimlər paraziti gözə zərər vermədən çıxarmağa nail olublar.
Mütəxəssislər belə hadisə ilə ilk dəfə qarşılaşdıqlarını bildiriblər. Gənə təhlükəli infeksiyaların olub-olmamasını müəyyən etmək üçün laboratoriyaya göndərilib.
Medianews.az