ABŞ birjalarının avqust ayında rekord səviyyələrə çatması, dünyanın ən zəngin insanlarının sərvətinə də təsir edib.
Medianews.az xəbər verir ki, “Forbes”-in məlumatına görə, 1 sentyabr 2025 tarixinə olan məlumata əsasən, dünyanın ən varlı 10 nəfərinin ümumi sərvəti 1% artaraq 2,13 trilyon dollara yüksəlib.
İlk onluqdakı 4 nəfər sərvət itirdiyi halda, 6 nəfər isə qazanc əldə edib. Sərvətində ən çox artım olanlar Google qurucuları Larry Page və Sergey Brin olub. Alphabet (Google) səhmlərinin təxminən 9% yüksəlməsi, onların siyahıda irəliləməsinə səbəb olub. Page-in sərvəti 20,3 milyard, Brin-in sərvəti isə 15,1 milyard dollar artıb.
“Forbes”ə görə 1 sentyabr 2025 tarixində dünyanın ən zəngin 10 adamı:
10. Varren Buffett
Sərvəti: 150,4 milyard dollar (Berkshire Hathaway)
9. Jensen Huang
Sərvəti: 150,4 milyard dollar (Çip sənayesi – NVIDIA)
8. Steve Ballmer
Sərvəti: 151,3 milyard dollar (Microsoft, LA Clippers, investisiyalar)
7. Bernard Arnault
Sərvəti: 154,1 milyard dollar (LVMH – lüks brendlər)
6. Sergey Brin
Sərvəti: 165,9 milyard dollar (Google)
5. Larry Page
Sərvəti: 178,3 milyard dollar (Google)
4. Jeff Bezos
Sərvəti: 240,9 milyard dollar (Amazon)
3. Mark Zuckerberg
Sərvəti: 253 milyard dollar (Meta – Facebook, Instagram, WhatsApp)
2. Larry Ellison
Sərvəti: 270,9 milyard dollar (Oracle)
1. Elon Mask
Sərvəti: 415,6 milyard dollar (Tesla, SpaceX, xAI, X (keçmiş Twitter))
Onu da qeyd edək ki, Elon Mask ilə ikinci yerdəki Larry Ellison arasında 144,7 milyard dollar fərq var.
Medianews.az