Yay aylarında avtomobildə unudulan su şüşələrini sonra içmək vərdişimiz sağlamlıq üçün risklidir.
Medianews.az xəbər ki, mütəxəssislər, isti şəraitdə qalan plastik butulkalardan su içməyin təhlükəli olduğunu bildirir.
Plastik şüşələrdən mikroplastik və kimyəvi maddələr sızır
Araşdırmalara görə, plastik butulkalar, xüsusilə bir dəfə istifadə üçün nəzərdə tutulan PET şüşələr, yüksək temperatur və ultrabənövşəyi (UV) şüa altında mikroplastiklər və zərərli kimyəvi maddələr yayır. Bu hissəciklər suya qarışaraq orqanizmə daxil ola bilər.
Mikroplastiklərin bədənə təsiri
Çox kiçik ölçülü bu hissəciklər (xüsusilə nanoplastiklər) qaraciyər, böyrəklər, beyin, ürək, hətta plasenta və ana südünə belə keçə bilir. Mütəxəssislər bu maddələrin uzunmüddətli təsirlərinin tam öyrənilmədiyini, lakin diqqətli olunmasının vacib olduğunu deyir.
Mütəxəssislər şüşə və paslanmayan poladdan hazırlanmış su qablarından istifadə etməyi tövsiyə edir. Çünki təkrar istifadəyə yararlı plastik qablar belə, müəyyən şərtlərdə eyni zərərli maddələri yayır.
İstilik və günəş işığından qoruyun
Əgər plastik şüşəni avtomobildə saxlamalısınızsa, onu günəş işığından uzaqda, soyuducuda və ya kölgəli yerdə saxlayın. Beləliklə, zərərli maddələrin yayılma riski azalar.
Qida qablarında da eyni təhlükə var
Plastik qida qabları da uzun müddət günəş altında qaldıqda mikroplastiklər yayaraq qidaya qarışa bilər. Eyni zamanda plastik ədviyyat qablarının son istifadə tarixlərini yoxlamaq vacibdir, çünki bu tarix əksər hallarda qablaşdırma materialının etibarlılıq müddətini göstərir.
Medianews.az
