Kardioloq Yekaterina Paukova ürək-damar sistemini möhkəmləndirmək üçün menyuya daxil edilməli məhsulları sadalayıb.
Medianews.az xəbər verir ki, onun sözlərinə görə, lif qan xolesterinin səviyyəsini azaltmağa kömək edir. Paukova qeyd edir ki, lif ən çox noxud, mərcimək, maş kimi paxlalılarda, armud, kivi, alma kimi meyvələrdə və rüssel, gül kələmi, çuğundur, badımcan, balqabaq, ispanaq kimi tərəvəzlərdə olur.
Həkim ürəyin normal fəaliyyəti üçün kalium və maqneziumla zəngin qidaların vacibliyini vurğulayıb.
Kalium mənbələri: yarpaqlı göyərti, quru meyvələr (kişmiş, qaysı), kartof, avokado, banan, soya və badam südü.
Maqnezium mənbələri: fıstıq, keşyu, balqabaq tumu, süd, qəhvəyi düyü, qarabaşaq və kinoa.
Paukova həmçinin polifenol və antioksidantlarla zəngin məhsulların damarları möhkəmləndirdiyini və xolesterin yığıntılarının qarşısını aldığını bildirib. Bu maddələr qara qarağat, yaban mersini, böyürtkən, albalı, tərkibində 70%-dən çox kakao olan tünd şokolad, soyuq sıxılmış zeytun yağı və qırmızı soğanda mövcuddur.
Medianews.az