Diyetoloq-endokrinoloq Anton Polyakov bildirib ki, sağlamlıq üçün gün ərzində maksimum 500 qram, yəni təxminən 2 orta ölçülü pomidor və 2 kiçik xiyar yemək məsləhətdir.
Medianews.az xəbər verir ki, onun sözlərinə görə, bu miqdar orqanizmi kifayət qədər lif və faydalı qida maddələri ilə təmin edir, eyni zamanda həzm sisteminin həddindən artıq yüklənməsinin qarşısını alır.
Mütəxəssis vurğulayıb ki, gündəlik tərəvəz normasını yalnız pomidor və xiyar hesabına ödəmək düzgün deyil. Rasiona göyərti, balqabaq, bolqar bibəri, kələm və digər mövsümi tərəvəzlərin də daxil edilməsi daha balanslı və sağlam qidalanmaya kömək edir.
Medianews.az