Son illər idman qidaları və bioloji aktiv qida məhsullarına (BAQM) marağın artması bu sahədə fəaliyyət göstərən sahibkarların məsuliyyətini daha da artırır və məhsulların istehsalı, idxalı və satışının mövcud qanunvericiliyin tələblərinə uyğun şəkildə həyata keçirilməsi zərurətini ön plana çıxarır.
Medianews.az bildirir ki, ekspertlərin sözlərinə görə, bu məhsullar yalnız düzgün və təyinatına uyğun istifadə edildikdə faydalı olur. Araşdırmalara əsasən, dünya üzrə böyüklərin təxminən 50-60%-i müxtəlif bioloji aktiv əlavələrdən istifadə edir, lakin onların əhəmiyyətli hissəsi bu məhsulları həkim məsləhəti olmadan qəbul edir. Eyni zamanda, bəzi tədqiqatlar göstərir ki, istifadəçilərin təxminən 30%-i məhsulun tərkibi və təsiri barədə kifayət qədər məlumata malik deyil ki, bu da sağlamlıq üçün müəyyən risklər yarada bilər.