Uzun illərdir yayılan inanca görə, isti çaya bal əlavə etmək onu “zəhərə” çevirir.
Medianews.az xəbər verir ki, bu fikir əsasən Ayurvedadan qaynaqlanır və balın qızdırıldıqda oksimetilfurfural (OMF) adlı maddə əmələ gətirdiyi iddia olunur.
Ancaq elmi araşdırmalar göstərir ki, OMF balda təkcə qızdırıldıqda deyil, həm də uzun müddət saxlanıldıqda toplanır. Üstəlik, bu maddə yalnız balda deyil, gündəlik istifadə olunan bir çox məhsulda – qəhvə, şirələr, çörək, şokolad, pivə və s. – mövcuddur. Yəni ondan tamamilə qaçmaq mümkün deyil.
Mütəxəssislər vurğulayır ki, balı qaynar çaya qatmaq onu zəhərə çevirmir, sadəcə faydalı fermentlər və vitaminlər məhv olur. Belə içki sadəcə şirin sirop kimi təsir göstərir. Maksimum fayda üçün balı 40°-dən aşağı temperaturda olan içkiyə əlavə etmək tövsiyə olunur.
Medianews.az