Qadın idmançıdan jest: Əvvəl həyatını xilas etdi, sonra evinə götürdü - FOTO

Dünyanın 15 nömrəli qadın tennisçi Danielle Kollins diqqət mərkəzinə düşüb. Publika.az xəbər verir ki, o, Mayamidə tennis arenası yaxınlığında avtomobilin vurduğu itin həyatını xilas edib. Bu barədə BBC məlumat yayıb. Kollins “Hard Rock” stadionundan çıxarkən xəsarət alan iti görüb və onu baytarlıq klinikasına aparıb. Tennisçi sosial şəbəkələrdə itin xəstəxanadan çıxdığını və həyatının təhlükədə olmadığını bildirib. O, bununla kifayətlənməyib. Danielle Kraş adını verdiyi iti rəsmi formada evinə qəbul edib. “Kraş 5 gün oksigenlə xəstəxanada qaldı. Nəfəsi normallaşır, yaraları sağalır və aldığı bütün sevgidən həzz alır. O, şən, mehribandır və ikinci həyat şansına görə minnətdardır. Maşın vurduqdan sonra itin bu cür əziyyət çəkdiyini görmək inanılmaz ağrılı idi və onu evə heç kimin saxlamaması üçün onu övladlığa götürməyə ehtiyac duydum”, – deyə Kollins sosial şəbəkədə yazıb.