Xurmanın inanılmaz FAYDALARI

“Xurma arıqlamağa və daha yaxşı yatmağa kömək edir” Medianews.az “Lenta.ru”ya istinadən xəbər verir ki, bunu diyetoloq Pablo Ojeda deyib. O bildirib ki, xurmanın tərkibində çoxlu faydalı mikroelementlər var, lakin bir çoxları meyvələrin tərkibində çoxlu şəkər olduğu üçün yeməkdən qorxur. Bununla belə, Ojeda xurmanı aşağı glisemik indeksli məhsul adlandırıb və arıqlamaq və ya yaxşı yatmaq istəyənlər üçün ideal bir seçim olduğunu qeyd edib. “Xurmanın tərkibində kalium və maqnezium var ki, onlar dincəlməyə və daha yaxşı yatmağa kömək edir. Bu mikroelementlər idmançılar üçün də faydalıdır. Bundan əlavə, tərkibində dəmir var, məsələn, menstruasiya zamanı qadınlar və ya qan azlığı olan insanlar üçün çox vacibdir”, - diyetoloq vurğulayıb. Həkim həmçinin diqqəti ona yetirib ki, xurma karbohidrat və liflə zəngindir, ona görə də bədəni tədricən enerji ilə doldurur və bu da uzun müddət gücü saxlamağa kömək edir.