Media
Rusiya Xarici İşlər Nazirliyi ABŞ-ın maliyyə naziri Canet Yellen və energetika naziri Cennifer Qranholm da daxil olmaqla 61 ABŞ vətəndaşına sanksiya tətbiq etmək qərarına gəlib.
Medianews.az xarici mətbuata istinadən qeyd edir ki, nazirlikdən verilən açıqlamada ABŞ-ın Rusiya siyasətçiləri, iş adamları və ictimai xadimlərinə qarşı getdikcə genişləndirən sanksiyalarına cavab olaraq 61 ABŞ vətəndaşının qeyri-müəyyən müddətə Rusiyaya girişinə qadağa qoyulub.
Sözügedən sanksiyalar arasında hərbi sənayenin tanınmış rəhbərləri, media platformaları və reytinq agentliklərinin, təyyarə və gəmi şirkətlərinin rəhbərlərinin də yer aldığı qeyd edilir. Rusiya kiberhücumları ilə bağlı iddiaları yayan ABŞ Dövlət Departamenti rəsmilərinin də siyahıda olduğu bildirilib.
Sanksiya siyahısına Ağ Evdən bəzi rəsmilərin, məsələn, Kommunikasiyalar üzrə Direktor Keyt Bedinqfildin adlarının daxil olması diqqət çəkib.
Medianews.az
