Fransa Futbol Federasiyası milli komandanın yeni baş məşqçisinin Zinəddin Zidan olduğunu açıqlayıb.
Medianews.az xəbər verir ki, 53 yaşlı mütəxəssislə 2030-cu ilə qədər müqavilə imzalanıb. Zidan Didye Deşamı əvəz edib. Deşam 2026-cı il Dünya çempionatından sonra vəzifəsini tərk edəcəyini daha əvvəl açıqlamışdı.
Fransa millisi mundialda üçüncü yer uğrunda görüşdə İngiltərəyə 4:6 hesabı ilə məğlub olub.
Qeyd edək ki, Zidan 2021-ci ildən məşqçilik fəaliyyəti ilə məşğul olmayıb. O, daha əvvəl iki dəfə Madrid “Real”ına rəhbərlik edib. Fransalı mütəxəssisin çalışdığı dövrdə klub 11 kubok qazanıb, bunların arasında UEFA Çempionlar Liqasının üç qalibiyyəti də var.
Medianews.az