2026-cı il FIFA Dünya Kubokunun açılış oyunu yalnız meydandakı mübarizə ilə deyil, tribunalardakı möhtəşəm atmosferlə də yadda qalıb.
Medianews.az xəbər verir ki, turnirin ilk qarşılaşmasında ev sahibi Meksika millisi Cənubi Afrika yığmasını 2:0 hesabı ilə məğlub edərək Dünya Kubokuna qələbə ilə start verib.
Gərgin keçən görüşdə hər iki komanda qırmızı vərəqə ilə üzləşib. Meksika oyunu 10, Cənubi Afrika isə 9 futbolçu ilə başa vurub.
Matçın keçirildiyi stadion tamamilə dolu olub. Minlərlə meksikalı azarkeş komandalarına güclü dəstək göstərərək tribunaları əsl futbol bayramına çevirib.
Azarkeşlərin rəngarəng geyimləri, bayraqları və fasiləsiz şüarları stadionda xüsusi atmosfer yaradıb. Xüsusilə oyundan əvvəl və qarşılaşma zamanı tribunadan yayılan görüntülər sosial şəbəkələrdə geniş maraq doğurub.
Dünya Kubokunun ilk günündə çəkilən görüntülər futbolsevərlər tərəfindən böyük maraqla qarşılanıb. Meksikalı azarkeşlərin yaratdığı coşqu və tribunaların rəngarəng mənzərəsi turnirin ən yaddaqalan məqamlarından biri kimi qiymətləndirilib.
Medianews.az