İspaniyada aparılan yeni araşdırma göstərir ki, fiziki cəhətdən sağlam olmaq yalnız həyat keyfiyyətini artırmır, həm də çoxsaylı xəstəliklərin yaranma riskini əhəmiyyətli dərəcədə azaldır.
Medianews.az xəbər verir ki, Barselona mərkəzli Mar Hospitalı Tədqiqat İnstitutu və Ramon Llull Universitetinin həyata keçirilən tədqiqat “Tibb və İdman Elmləri Jurnalı” jurnalında dərc edilib.
Araşdırmada iştirakçıların kardiorespirator qabiliyyəti – yəni ürək və ağciyərlərin məşq zamanı bədənə oksigen çatdırma bacarığı – və genetik meyilləri təhlil olunub. Nəticələr göstərir ki, fiziki forma yalnız xəstəliklərlə əlaqəli deyil, həm də birbaşa qoruyucu təsir göstərə bilər.
Fiziki qabiliyyəti yüksək olanlarda:
- Ürək xəstəlikləri və bəzi tipik insult növləri daha az müşahidə olunub;
- Damar sərtliyi və təzyiq normada olub;
- Metabolizm, sümük sağlamlığı, ağciyər və qaraciyər funksiyaları müsbət təsirlənib;
- Obezite, tip 2 diabet və astma riski azalıb.
Araşdırma həmçinin göstərir ki, fiziki formanın faydaları bilişsel funksiyalara da təsir edir. Daha yüksək kardiorespirator qabiliyyətə malik şəxslərdə öyrənmə və akademik performans göstəriciləri daha yaxşı olub.
Lakin tədqiqat vurğulayır ki, hər növ intensiv məşq faydalı deyil. Xüsusilə yüksək intensiv və həddindən artıq məşqlərdə atrial fibrilasyon riski və sistolik təzyiq artımı müşahidə olunub. Mütəxəssislər məşqin doza və intensivliyinin balanslı olmasının vacibliyini qeyd edirlər.
Fiziki forma sadəcə sağlamlıq göstəricisi deyil, xəstəliklərin inkişafını birbaşa azaldan əsas amildir. Sağlam həyat üçün davamlı fiziki aktivlik uzunmüddətli qoruyucu təsir yaradır.
Medianews.az