Yolda satılan meyvə-tərəvəz nə ilə təhlükəlidir?

Rusiya Biotexnologiya Universitetinin Baytarlıq-Sanitar Ekspertiza və Bioloji Təhlükəsizlik kafedrasının dosenti Polina Kulaç yolda satılan meyvə-tərəvəzlə bağlı xəbərdarlıq edib. Medianews.az xəbər verir ki, onun sözlərinə görə, tərəvəz, meyvə və giləmeyvə satışı ilə məşğul olan bütün məntəqələrin kommersiya fəaliyyəti üçün lisenziyası yoxdur. “Küçənin əsas çatışmazlığı sanitar qaydalara riayət edilməməsi, satıcının tibbi kitabçasının olmaması, eləcə də bitki mənşəli məhsullara baytarlıq-sanitariya nəzarətinin olmamasıdır”, - o bildirib. Kulaçın sözlərinə görə, belə tərəvəz, meyvə və giləmeyvə sınaqdan keçirilməyib və tərkibində nitratlar, pestisidlər, zəhərli elementlər və radionuklidlər ola bilər. O, həmçinin qeyd edib ki, şəxsi təsərrüfatları olan insanlardan məhsul alarkən bu məhsullarda hansı zərərli maddələrin ola biləcəyini öyrənmək mümkün deyil. Medianews.az