Britaniya Rusiyanın Ukraynaya müdaxiləsinə verdiyi dəstək səbəbilə Belarusa iqtisadiyyat, ticarət və nəqliyyat sahəsində yeni sanksiyalar tətbiq edəcəyini açıqlayıb .
Medianews.az xəbər verir ki, yeni sanksiyalar paketi təxminən 60 milyon funt sterlinq dəyərində malların, o cümlədən emal olunmuş neft, yüksək texnologiyalı məhsulların və lüks malların ixracı və idxalını hədəf alacaq. Sanksiyalar paketinə Belarus dəmir və poladın idxalına qadağa da daxildir.
Məlumatda bildirilir ki, Böyük Britaniya daha çox Belarus şirkətinə Londonda istiqraz və qiymətli kağız buraxmağı qadağan edəcək.
Reuters-də yer alan xəbərə görə, İngiltərə hökuməti açıqlamasında “Belarus rejimi Rusiyanın Ukraynanı sıxışdırmaq üçün öz ərazisindən istifadə etməsinə icazə verərək Putinin işğalına şərait yaratdı”,- deyə bildirib.
Leyla, Medianews.az