Almaniyada isti hava bu gün ən yüksək həddə çatıb. Paytaxt Berlində havanın temperaturu 38 dərəcəyə qədər qalxıb. Almaniya Meteorologiya Xidməti vətəndaşlara bu gün saat 19.00-a qədər günəşdən qorunmaq barədə xəbərdarlıq edib.
Medianews.az xəbər verir ki, isti havadan sıxılan berlinlilər parklarda və suların kənarında sərinləməyə çalışarkən, hovuzların qarşısında metrlərlə növbə yaranıb.
Məlumata görə, Berlin ətrafında, Brandendenburq bölgəsində ötən cümə axşamı başlayan meşə yanğını 60 hektar ərazini əhatə edib, 200 yanğınsöndürən isə yanğına müdaxilə edir. Yanğın hələ nəzarət altına alınmasa da, bölgədəki bəzi evlərin ehtiyat tədbiri olaraq təxliyyə olunmağa başladığı bildirilib.
Qeyd edək ki, ölkə ərazisində havanın temperaturunun mövsümi normadan yuxarı qalxmasından sonra tufan və güclü yağış xəbərdarlığı edilib, sabah Berlində havanın temperaturunun 20 dərəcə ilə 17 dərəcəyə enəcəyi, yağış və tufanın olacağı gözlənilir.
Leyla,Medianews.az