Mütəxəssislərin fikrincə, cəmiyyətdə “qəribə” və ya “qeyri-adi” kimi qiymətləndirilən bəzi davranışlar əslində yüksək intellekt və fərqli düşüncə tərzinin göstəricisi ola bilər.
Araşdırmalara görə, güclü analitik düşüncəyə malik insanlar digərlərindən fərqli bir sıra xüsusiyyətlərlə seçilirlər.
Medianews.az həmin xüsusiyyətləri təqdim edir:
- Məqsədli və yerində danışırlar;
- Daha çox birbaşa və düşündürücü suallar verirlər;
- Gec yatmağa meyilli olurlar;
- Tam nizamsızlıq yox, “idarə olunan qarışıqlıq” şəraitində daha məhsuldar işləyirlər;
- Sosial çevrələrini kiçik saxlayırlar;
- Qeyri-adi mövzuları araşdırmağa maraq göstərirlər;
- Öz zarafatlarına gülə bilirlər;
- Başqalarının diqqət etmədiyi detalları və uyğunluqları tez fərq edirlər;
- Hadisələrin inkişafını daha dəqiq proqnozlaşdırırlar;
- Musiqi və ya fon səsləri ilə daha yaxşı fokuslana bilirlər;
- Mürəkkəb mövzuları sadə dillə izah etməyə üstünlük verirlər.
Psixoloqlar bildirirlər ki, yüksək intellekt yalnız akademik biliklə ölçülmür. Yaradıcılıq, müşahidə qabiliyyəti, güclü intuisiya və sosial davranışlar da insanın zəka səviyyəsini göstərən əsas amillərdən sayılır.
Araşdırmalarda qeyd olunur ki, ağıllı insanlar özlərini sübut etməyə çalışmaq əvəzinə, daha çox öyrənməyə və düşünməyə fokuslanırlar.
Medianews.az