Qastroenteroloq Maria Lopatina acqarına bir stəkan su içməyin faydaları ilə bağlı yayılmış fikirləri təkzib edib.
Medianews.az xəbər verir ki, o, bu barədə öz telegram kanalında paylaşım edib.
Həkimin sözlərinə görə, bir çox insan səhər yuxudan sonra mədə və bağırsaqları “işə salmaq” üçün acqarına su içir. Lakin sübutlara əsaslanan tibbi yanaşma bu fikri təsdiqləmir.
Onun sözlərinə görə, acqarına su içmək nə nəcisi yumşaldır, nə də bağırsaq hərəkətlərini yaxşılaşdırır. Əsas məsələ gün ərzində kifayət qədər maye qəbul etməkdir. Su içməyin vaxtının – səhər, günorta və ya axşam – xüsusi əhəmiyyəti yoxdur.
Həkim əlavə edib ki, səhər bağırsaqlarda lənglik hissi adətən su çatışmazlığı ilə deyil, qidalanma rejimi, az qida qəbulu, stress, həyat tərzi və ya qəbul edilən dərmanlarla əlaqəli olur.
Medianews.az