“İş və şəxsi həyata mane olan səbəbsiz narahatlıq, daimi daxili gərginlik və qorxu narahatlıq pozğunluğunun simptomu ola bilər”.
Medianews.az xəbər verir ki, bunu rusiyalı psixoterapevt İrina Kraşkina deyib.
Həkim izah edib ki, insanlar qorxulu heç nə baş vermədikdə belə qorxu yaşayır və bu, yatmağı, işləməyi və başqaları ilə ünsiyyəti çətinləşdirir.
Psixoterapevtin sözlərinə görə, narahatlıq pozğunluğu ürək döyüntüsünün tezləşməsi, başgicəllənmə, nəfəs darlığı, titrəmə, tərləmə, ürəkbulanma, ağız quruluğu və sinədə sıxılma hissi kimi fiziki simptomlarla müşayiət oluna bilər.
Medianews.az