İyulun 17-də “AzəriLayt” markalı Azərbaycan neftinin barreli 88,82 dollara satılır. Bu, ayın siftəsindən 13,48 dollar yuxarı göstəricidir.
Medianews.az bildirir ki, Azərbaycanın 2026-cı il büdcəsində bir barrel neft 65 dollardan götürülüb. “AzəriLayt” yanvara 65,71, fevrala 69,72, marta 79,60, aprelə 132,35, maya 122,26, iyuna 104,58, iyula 75,34 dollarla başlayıb.
Neft bazarı fevralın 28-dən İran ətrafında artıb-azalan gərginlik üzündən çalxalanır.
İxracatçıların beynəlxalq koalisiyası Azərbaycan üçün xam neftin gündəlik hasilat normasını 551 min barrel müəyyən edib.
2026-cı ilin ilk beş ayında Azərbaycanda kondensatla birlikdə 11 milyon ton neft çıxarılıb, yarım ildə xaricə 6,2 milyard dollarlıq xam neft və xam neft məhsulu ixrac olunub.
Toğrul Əli,
Medianews.az