“Neftçi” yeni mövsümə hazırlığın ikinci mərhələsinə start verib.
Medianews.az xəbər verir ki, bu barədə klubun mətbuat xidməti məlumat yayıb.
İyunun 29-da Sloveniyaya yollanan komanda bu gün Moravske Toplitse şəhərində səhər məşqinə çıxıb. Təlim-məşq toplanışı axşam məşqi ilə davam edəcək.
Sabah da baş məşqçi Yuri Vernidubun rəhbərliyi altında iki dəfə hazırlıq keçəcək “ağ-qaralar” iyulun 2-də ilk yoxlama oyununa çıxacaq. Rəqib Serbiya "Partizan"ıdır.
Qeyd edək ki, “Hotel Livada Prestige”də məskunlaşan “Neftçi”nin Sloveniya toplanışı iyulun 14-dək davam edəcək./Qol.az