Türkiyədə müəllimə qarşı bıçaqlı hücum cəhdinin qarşısı alınıb.
Medianews.az xəbər verir ki, Şanlıurfanın Siverek rayonunda yerləşən orta məktəbdə baş verib.
Məlumata görə, özünü valideyn kimi təqdim edən şəxs məktəbə daxil olaraq müəllimə hücum etmək istəyib. Hadisə yerində olan polis əməkdaşları dərhal müdaxilə edərək şübhəlini zərərsizləşdirib və saxlayıblar.
Rəsmi açıqlamada bildirilib ki, müəllim yaralanmayıb və təhlükə vaxtında aradan qaldırılıb.
Faktla bağlı araşdırma aparılır.
Medianews.az