“Sağlam insan gündə təxminən 200–250 qram kartof yeyə bilər. Bu, orta ölçülü 2–3 kartofa bərabərdir və orqanizmi həddindən artıq yükləmədən kalium, həmçinin nişasta ilə təmin edir”.
Medianews.az xəbər verir ki, bunu rusiyalı qastroenteroloq Maksim Lisovski deyib.
Həkimin sözlərinə görə, ən faydalı variant qabıqlı qaynadılmış və ya sobada bişmiş kartofdur. Çünki bu halda kalium və lif daha yaxşı qorunur. Soyuduqdan sonra kartofdakı nişastanın bir hissəsi prebiotikə çevrilərək bağırsaq mikroflorasını dəstəkləyir.
Lisovski xəbərdarlıq edib ki, isti kartof püresi yüksək qlisemik indeksə malikdir və tez həzm olunur. Qızardılmış kartof və kartof fri isə xüsusilə mədə-bağırsaq problemi olan insanlar üçün arzuolunmazdır, çünki yağ və nişastanın birləşməsi həzm sisteminə əlavə yük yaradır.
Medianews.az