“Koqnitiv qabiliyyətlər həmişə yaşla pisləşmir”.
Medianews.az xəbər verir ki, bunu həkim və geriatr Andrey İlnitsky deyib.
Onun fikrincə, yaşlılarda əqli qabiliyyətlərin səviyyəsinə genetika, həyat tərzi və sosial aktivlik təsir göstərir. Həkim vurğulayıb ki, zehin daimi məşq lazımdır. Buna görə də heç vaxt öyrənməyi, kitab oxumağı, yaradıcı olmağı və tapmacaları həll etməyi dayandırmamaq vacibdir.
Bundan əlavə, koqnitiv xəstəliklərin qarşısını almaq üçün o, aktiv həyat tərzi keçirməyi, təmiz havada gəzməyi, gimnastika və üzgüçülüklə məşğul olmağı tövsiyə edib. “Qidalanma da vacibdir: yaşlı insanın qida rasionunda tərəvəz, balıq, qoz-fındıq üstünlük təşkil etməli, şəkər və duzun miqdarı isə minimal olmalıdır”, - İlnitski bildirib.
Mütəxəssis əlavə edib ki, xroniki damar xəstəlikləri, ilk növbədə şəkərli diabet və hipertoniya müalicə edilmədikdə beynin sürətlənmiş qocalması başlayır. Bundan əlavə, depressiya və cəmiyyətdən təcrid olmaq düşünmə qabiliyyətinə mənfi təsir göstərir.
Medianews.az
