Son zamanlar ölkədə avtobus zolağından sürən sürücülərin cəzalandırılması xəbərləri gündəmə gəlir.
Medianews.az bildirir ki, sürücülərin bir qismi tıxacdan qaçmaq, sürət qazanmaq və ya rahat yol keçmək məqsədilə avtobus zolaqlarına daxil olur.
Bu isə həm ictimai nəqliyyatın hərəkətinə maneə törədir, həm də yol təhlükəsizliyini riskə atır. Eyni zamanda, avtobus zolaqlarının qaydalara uyğun istifadə olunmaması sərnişinlərin vaxt itkisinə və ümumi nəqliyyat axınının pozulmasına səbəb olur.
Mütəxəssislər sürücülərə xəbərdarlıq edir ki, avtobus zolağından yalnız ictimai nəqliyyat vasitələri istifadə etməli, qanun pozuntusu həm ağır cəza, həm də yol qəzalarına səbəb ola bilər. Sürücülərin diqqətli olması həm özləri, həm də digər iştirakçılar üçün həyat və təhlükəsizlik baxımından vacibdir.