Atalıq və çoxuşaqlılıq yaradıcılıq kişilərin fəaliyyətinə mane olmur və bəzi hallarda peşəkar fəallığın artması ilə üst-üstə düşür.
Medianews.az Oxu.Az-a istinadən xəbər verir ki, bu barədə rusiyalı alim Pyotr Kuliçki araşdırma aparıb.
Araşdırma çərçivəsində alim müxtəlif dövrlərə aid 6 453 bəstəkarın bioqrafiyasını təhlil edib və onların yaradıcılıq aktivliyini uşaqlarının doğulduğu dövrlərlə müqayisə edib.
Nəticələr göstərib ki, bir çox bəstəkar məhz övladlarının dünyaya gəldiyi dövrdə daha irihəcmli əsərlər - simfoniyalar, operalar və konsertlər yazmağa başlayıb.
Tədqiqat müəllifinin fikrincə, böyük ailə məsuliyyət hissini artıraraq insanı daha fəal işləməyə və öz potensialını reallaşdırmağa sövq edə bilər.