Mütəxəssislər çiyələk alanda diqqətli olmağa çağırır. Çünki bəzi satıcılar alıcıları aldatmaq üçün hiylələrə əl atırlar. Mövsümün əvvəlində bazarlarda təqdim olunan iri və gözəl görünüşlü çiyələklər çox vaxt gözə xoş gəlsə də, qablaşdırmanın alt hissəsində keyfiyyəti daha aşağı olan meyvələr yerləşdirilə bilər.
Medianews.az xəbər verir ki, araşdırmalara görə, qabın üst qatında iri və təzə çiyələklər qoyulur, alt hissədə isə xırda, əzilmiş və ya köhnə məhsullar gizlədilir. Bəzi hallarda meyvələr daha parlaq görünsün deyə su ilə isladılır və ya zədələnmiş hissələr gizlədilir.
Ekspertlər tövsiyə edir ki, çiyələk və digər giləmeyvələri alarkən yalnız görünüşə aldanmayın, qabın içini də yoxlayın. Yerli məhsullar isə adətən daha təzə olur, çünki idxal edilən meyvələr uzun müddət daşınma zamanı keyfiyyətini itirə bilər.
Medianews.az