Başıbəlalı kluba daha bir ağır zərbə -Görün nə günə qaldılar!

2025/2026-cı il mövsümündə I Liqada mübarizə aparacaq “Səbail”in yay hazırlıq planı dəyişib. "Dənizçilər" təlim-məşq toplanışına iyulun 25-də “ASCO Arena”da start verəcəyini açıqlasa da, bu, baş verməyib. Sırf yeni yaranan problem üzündən! İş ondadır ki, “ASCO Arena” artıq Bayıl klubunun nəzarətindən çıxıb. 2016-cı ildən burada mənzillənən “Səbail“in artıq “əl-qolu bağlanıb“. AFFA balansındakı stadionu “Sabah“a uzunmüddətli icarəyə verib. “ASK Arena“nın “Barselona“ futbol akademiyasının sərəncamına keçməsindən sonra yerdəyişmə etmək məcburiyyətində qalan “bayquşlar“ Bayıla üz tutub. Masazır təmsilçisinin bütün aşağı yaş qrupları yeni məkana köçürüldüyündən, “Səbail“ bütün sərbəstliyini itirib. İndi stadion və bazada onlara yer tapılmır.