Pentaqon: İranın nüvə proqramı 2 il geri düşüb

ABŞ hökumətinin fikrincə, İranın nüvə obyektlərinə endirilən hava zərbələri ölkənin nüvə proqramını 2 ilə qədər geriyə atıb. Medianews.az xəbər verir ki, bu qiymətləndirməni Vaşinqtonda Müdafiə Nazirliyinin sözçüsü açıqlayıb. Onun sözlərinə görə, hava zərbələrindən sonra İranın uranı zənginləşdirmə proqramı ciddi şəkildə geriləyib. ABŞ-a məxsus radarlardan yayınan döyüş təyyarələri iyunun 22-də İranın üç nüvə obyektini – Fordo, Nətənz və İsfahanı – bunker bombaları ilə vurmuşdu. Beynəlxalq Atom Enerjisi Agentliyi isə ABŞ hökumətindən fərqli olaraq hesab edir ki, İran bir neçə aya uranı zənginləşdirməyə yenidən başlaya bilər. KİV-in məlumatına görə, ABŞ kəşfiyyatının ilkin qiymətləndirməsi də bu yöndə olub. ABŞ prezidenti Donald Tramp və İsrailin baş naziri Benyamin Netanyahunun isə fikrincə, İranın nüvə obyektləri tamamilə məhv edilib. Medianews.az