Yatmazdan əvvəl bu 3 məhsulu yeməyin – Xəbərdarlıq

“Portağal və pomidor mədə yanmasına səbəb olur və yuxunu pisləşdirir”. Medianews.az xəbər verir ki, bunu diyetoloq Kayla Krouli deyib. Kroulinin sözlərinə görə, ən yaxşısı yatmazdan əvvəl portağal, pomidor və qreypfrut yeməkdən çəkinməkdir. Onların tərkibindəki turşu yemək borusunun altındakı qapağı rahatlaşdırır və turşu axınına səbəb olur ki, bu da nəticədə yatmağı çətinləşdirir. Diyetoloq axşamlar mədə yanmasına da səbəb olan yağlı qidalardan uzaq durmağı da tövsiyə edib. Həkim əlavə edib ki, yatmazdan əvvəl istənilən tam yemək arzuolunmazdır, çünki həzmi pozur və yuxu problemi yarada bilər. O hesab edir ki, yataqda yemək xüsusilə zərərlidir. Bu, insanların yeməkdən dərhal sonra üfüqi mövqe tutması ilə əlaqədardır ki, bu da ürək yanması riskini artırır. Diyetoloq qeyd edib ki, axşam saatlarında qəlyanaltı üçün düzgün qida seçmək lazımdır. O, ideal seçim kimi qoz-fındıq və süd məhsullarını adlandırıb. Medianews.az