Dünyada ən çox satılan QULAQLIQ

Qlobal qulaqlıq bazarına 2025-ci ilin birinci rübündə liderlik edən Apple-dır. Medianews.az xəbər verir ki, bu barədə Canalys agentliyinin hesabatında deyilir. İlk üç ayda şirkət bazara 18,2 milyon AirPod və onun Beats markalı qulaqlıqlarını göndərib. ABŞ şirkəti 23,3 faiz pay alıb. Müqayisə üçün, Apple 2024-cü ilin birinci rübündə 24,4 faiz paya sahib idi. İkinci yerdə 11,5 faiz pay alan Çinli Xiaomi qərarlaşıb. Samsung 7,1 faiz payla üçüncü olub. Huawei və boAT da qulaqlıqların ən effektiv tədarükçüləri arasında yer alıb. 2025-ci ilin birinci rübündə qlobal bazar kəskin şəkildə bərpa olunub. Tədarüklər 18 faiz artaraq 78 milyon ədədə çatıb. Çatdırılmalar xüsusilə Cənub-Şərqi Asiya, Mərkəzi və Şərqi Avropa, Latın Amerikası və Afrikada nəzərəçarpacaq dərəcədə artıb. Canalys analitikləri qulaq qarmaqları və klipləri olan yeni cihazların populyarlığının artdığını qeyd ediblər. İstehsalçılar da ABŞ-ın artan tariflərindən sonra tədarükləri kütləvi şəkildə artırırlar. Medianews.az